DONOSTIA
Euskal Herriko Nekazarien Elkartasuneko (EHNE) kide Eneko Karrerak, Joxe Leundak, Eneko Dorronsorok eta Begoña Aristik Gipuzkoako Foru Aldundiaren jarrera kritikatu zuten atzo Donostian.
Baserritarrek inbertsioak egiteko diru-laguntzak jaso ahal izateko laguntza planean izena emateko epea zabaldu berri dela aipatu ostean, EHNEko lagunek nabarmendu zuten Foru Aldundiko Nekazaritza Sailak ez duela sindikatua «ezertarako kontuan hartu, nahiz eta udaberri bukaeran izandako bileran kontrakoa adierazi» zieten.
Aurrekontuak ere berehala aurkeztuko dituztela nabarmendu zuten, baita kasu horretan ere sektorearen irizpideak kontuan hartu ez dituzte- la gogoratu ere. «Nork uler dezake sektorearen oinarri diren baserritarren ahotsik entzun gabe erabakiak hartzea? Noren mesedetan hartzen dira orduan erabakiak?», galdetu zuten EHNEko kideek.
Foru Aldundiaren etaGasteizko Gobernuaren jarrera salatu zuten, hots, «EAJk daraman Administrazioaren politika kontinuista». «Aspaldi esan genuen nekazaritzan alarma gorria piztua zegoela. Alarma horrek piztua jarraitzen du eta sektorea ia itzaltzen ari da», erantsi zuten.
