BIARRITZ 44
MONTPELLIER 11
BIARRITZ
Biarritzek jokoan zeuden puntu guztiak batu zituen atzo Montpellierren aurka. Garaipenak ematen dituen laurak, baita puntu gehigarria ere, sei entsegu egin baitzituen Lapurdiko taldeak.Emaitzak dena erakusten du. Zuri-gorriak gogoz irten ziren zelaira. Ligan ez dira itxura ona ematen ari, eta hori garbitu nahi izan zuten atzoko neurketan. Montpellierrek jaso zuen orain arteko gauza txar guztien ordaina.
Kanpotarrek lehen zatian eutsi ahal izan zieten euskaldunen erasoei. Zigor baten ondorioz, gainera, markagailuan aurreratu ere egin ziren, baina bigarren zatian ezer gutxi egin ahal izan zuten.
Lapurtarrek bigarren zatian erabat zapaldu zuten Montpellier. Erasoan ongi aritu ziren baloia hegaletara ongi zabalduta, eta horren ondorioz, beste lau entsegu egin zituzten. Amaieran, Biarritzek Ligan behar zuen garaipen horietakoa lortu zuen.
