BOURGOIN 39
AVIRON 10

BIARRITZ

Partida zaila zuten Lapurdiko hiriburuko jokalariek, Bourgoin Ligako azkeneko fasea jokatzeko asmotan baitabil. Hori aurretik jakina zen, baina zuri-urdinei horrek berdin izan behar die, sailkapenean atzean geratuta baitaude, eta nahi eta nahi ezkoak ditu puntuak. Atzo, ordea, Bourgoin askoz ere hobea izan zen.

Lehen zatiko erdira bitarte nahiko itxuroso aritu ziren zuri-urdinak, baina azkeneko hamahiru minutuak oso luzeak egin zitzaizkien euskaldunei, eta hiru entsegu egin zizkieten.

Erabakigarriak izan ziren puntu horiek, partida baldintzatu baitzuten. Oraindik bigarren zati osoa geratzen zen, baina Avironentzat kolpe handia izan zen. Igiñiz gazteak lortu zuen entseguak bazirudien suspertzeko balio zezakeela, baina ez zen horrela izan, etxeko taldeak partida beti kontrolpean izan baitzuen. Amaieran, ongi merezitako garaipena eskuratu ahal izan zuten, eta helburua bete, puntu gehigarria ere lortu baitzuten. Avironek, aldiz, esku hutsik itzuli behar izan zuen. Oraindik asko geratzen da, baina asko aldatu beharra dauka. Aurrekoak ihes egiten ari dira; Aviron, berriz, ezinean dabil, eta gauzek berehala aldatu beharra daukate.