«Jarrai-Haika-Segi» auziaren aurka Durangon ostegunean
BILBO
Urtarrilera arte atzeratu dute «Jarrai-Haika-Segi» auziko epaiaren aurkako helegiteei buruzko erabakia, baina gazte independentistek ez dute zain geratu nahi. Atzo jakinarazi zutenez, ostegunean manifestaziora deitu dute Durangon, 18.00etan hasita, han egingo den Azoka gunetik.«Ekinbide horren bidez, gure ustez, azken 25 urteotan euskal gazteriaren defentsan egindako lan eskerga guztia zigortu nahi dute. Euskal Herriaren independentziaren eta sozialismoaren aldeko borroka zigortu nahi dute», nabarmendu dute manifestazio horren bultzatzaileek. Bide batez, «manifestatzeko eskubidea» errespetatua izan dadila eskatu dute mobilizazio horri begira. Hala, euskal gazteei, eta, oro har, euskal gizarteari, Durangora joan eta ekimenean parte hartzeko deia egin diete.
|
