Beasaingo Ikastolako diruaz jabetu izana ukatu du
BEASAIN
Beasaingo Ikastolako diruaz jabetzeagatik urtebeteko espetxe zigorra jaso du ikastetxeko lehendakari ohiak, eta berak argitu du izan duen epaiaren terminoekin bat ez datorrela. Izan ere, epaia badagoela onartu du fiskaltzarekin adostasun batera heldu ostean, baina «publikoki konstantzia» utzi nahi izan du inoiz ez duela onartu eta ez duela onartuko diru horretaz jabetu zenik.Azaldu zuen gestio txar baten ondorioz «ekonomikoki galera handiak» sortu zirela, «kontrolatu ezinezko hainbat ekintza» antolatzeagatik, eta zera gaineratu zuen: «Niri zegozkidanak ordainduak izan ziren, diru gehiago jarriz, ikastolak duen maileguari emandako abala ahaztu gabe». «Egia da sententzia dagoela eta onartua, baina betiere izan zitezkeen akats judizialak medio, ondorio okerragoak saihesteagatik izan zen», esan du kaltetuak.
|
