- Izotz Hockeya
Hormadi berriro ere lehengora itzuli da
DONOSTIA
Hormadi taldeko zaleentzat urte zaila izango da aurtengoa, nahiko maila kaskarrean jokatzen ari baita, eta golak hartzeko erraztasun handia izaten ari baita. Azkeneko jardunaldian, Strasbourg-en zelaian jokatu zuen, eta 8-1 galduta etxeratu zen.Hala ere, lehendabiziko zatia nahiko ona jokatu zuten lapurtarrek, eta ongi eutsi zieten etxekoen erasoei; tarteka aukeraren bat ere izan zuten. 0-0ekoarekin joan ziren atseden hartzera. Bigarren zatian, ordea, talde frantsesak neurketa erabakita utzi zuen, 6-1eko partziala lortu baitzuen. Etxeko jokalariek euskaldunak apurtu zituzten, eta inongo aukerarik gabe utzi zituzten. Azkeneko zatian, gauza gutxi gertatu zen. Strasbourg lasai sartu zen zelaian; eta Hormadi, berriz, etsita. Hala eta guztiz ere, etxekoek beste bi gol sartzeko modua egin zuten.
|
