DONOSTIA. ­ Gipuzkoako Foru Aldundiak atzo jakinarazi zuenez, Endarlatsako bidea ­N-121-A­ zabaltzeko eta hobetzeko lanak 2007 urteko udaberrian hasiko dira, eta bi urte iraungo dute. Gipuzkoako Aldundiak bere gain hartuko du Gipuzkoa aldeko lanen kostua ­62,3 milioi inguru­ eta Nafarroako zatiaren kostua ­9,8 milioi­ Iruñeko Gobernuaren kontu joango da. Proiektuaren arabera, bide berritua sei kilometro luze izango da Irundik Beraraino, eta bidearen %60 berria izango da. Bi tunel izango ditu: Lanbarrikoa, 485 metrokoa, eta Intxaurretakoa, 110 metrokoa. Gainera, hiru biaduktu izango ditu ­97, 60 eta 86 metrokoak­ eta 190 metroko zubi bat eraikiko dute Bidasoa ibaiaren gainetik pasatzeko. Aldundiak esan duenez, bide berriaren parean bidegorri bat ere izango da.