- Zubieta
Sanse Lemonaren kontura itzuli da garaipenen bidera
REAL SOCIEDAD B 2
LEMONA 0 Real Sociedad B: Ximun; C.Martinez, Quintana, Esnaola, Balentziaga, Elustondo (Beobide, 90.m), Estrada, Villar, Zurututza, Aguirretxe (Viguera, 79.m) eta M. Garcia (Txoperena, 70.m). Lemona: Jose Carlos; Sanpedro, Txopitea, Iosu, Basagoiti, Urraka (Gusi, 84.m), Aitor Ramos (Legarreta, 64.m), Tokero, Oinatz, Goikoetxea eta Pastrian (Iñigo Perez, 82.m). Epailea: Latre (Aragoi). Balentziagak, Elustondok, Urrakak eta Ramosek ikusi zituzten txartel horiak. Oinatzek bi ikusi zituen, eta ondoren gorria. Golak: 1-0, 58.m: Agirretxe. 2-0, 88.m: Villar:
DONOSTIA
Sansek Lemonaren aurka eman zion amaiera bere bolada txarrari eta garrantzi handiko garaipena lortu zuen. Emaitza horri esker, gipuzkoarrak sailkapeneko erdialdean jarraituko dute eta bizkaitarrek, aldiz, atzera pausoa eman dute.Partida ez zen ona izan, ezta gutxiago ere. Lehen zatian ez zen golerako ia aukerarik izan, eta jendeak aspertzeko aukera ederra izan zuen, baloia zelai erditik ia ez baitzen pasatzen, eta horrela, ezin golik egin. Bigarrenean, Agirretxek penaltiz lortutako golari esker aurreratu ziren zuri-urdinak, eta horrek jokoa apur bat lasaitzeko balio izan zien. Villarrek amaieran lortutako golak erabaki zuen azkenik neurketa, ordurarte, Lemonak ere golen bat lortzeko paradarik izan baitzuen.
|
