- Zaldi-mando probak
Alegriaren abereak eraman du Bizkaiko Txapelketa
IRUÑEA
Alegriaren abereak eraman zituen herenegun jokatu zituzten Bizkaiko finaleko txapela eta manta. Getxon jokatutako saio horretan, urtean herrialde horretako probetan punturik gehien lortutako abereak izan ziren txapelaren atzetik.
Arratsaldean lehiatu ziren hiru abere. Ez zen jende gehiegi bildu, baina horrelakoetan normala izaten da jenderik gehien gaueko saioan izatea. Begoñaren abereak egin zuen markarik onena arratsaldean: 70 untze. Zubizarretarenak egin zuen bigarren markarik onena, 63 untze pasarekin, eta Aurrekoetxearen abereak egin zuen arratsaldeko markarik eskasena 61 untzerekin.
Gauerako beste hiru abere lehiatu ziren, eta helburua Begoñarenak egindako marka apurtzea zen. Jendeak, berriz, azkeneko saioan erantzun bikaina eman zuen, ia bete egin baitziren harmailak. Gauean onena Alegriaren abereak egindako marka izan zen, eta berea izan zen eguneko onena ere. Zubizarretak egin zuen gaueko bigarren marka; eta Motrollorenak, aldiz, txarrena.
Sailkapena
|
