Miramongo Matineeak zikloaren beste emanaldi bat egingo dute gaur Euskadiko Orkestraren egoitzan. Oraingo honetan, Euskadiko Orkestra Sinfonikoko kideek osatutako haize bakarlari boskote batek errezitaldi bat emango du. Programa Joseph Haydn-en Dibertimentoa si bemol maiorrean lanak irekiko du; lan hori, bere konpositoreagatik ez ezik, Johannes Brahms-ek bere Bariazio Sinfonikoak lan ezagunean obra horretako bigarren mugimenduko gaia oinarritzat erabili izanagatik ere da ezaguna. Horren ondoren, Franz Danziren Boskotea mi minorrean izango dugu entzungai; 1824. urtean konposaturiko lan horrek agerian uzten du Danzik haize-boskoterako musikan lortu zuen gaitasun teknikoaa eta espresiboa. Azkenik, egitaraua Darius Milhauden La Chaminee du Roi Rene lanak itxiko du; Milhaud 1939. urtean R. Bernard zuzendariaren Cavalcade d'amour filmerako sortutako musikaren konpositoreak berak eginiko egokitzapena dugu orkestrak joko duen azkeneko lan hori.