Jolasetako neskak izan dira asteburu honetako onenak, izan ere emakumezkoen eta gizonezkoen Ohorezko Mailan dabiltzan taldeen artean, haiek izan baitira irabazi duten bakarrak.

Horiek, SPV 51 taldea hartu zuten, eta 2-1 irabazi zuten, eta mailari eusteko urrats handia egin zuten, zazpigarren postuan jarri baitira. Realeko neskek, berriz, ezin izan zuten ezer egin Deportivo Terrasaren zelaian, 1-0 galdu baitzuen.

Mutiletan, gauzak ez dira hobeto joan, Atletiko San Sebastianek berdinketa lortu duen bitartean, Jolasetak galdu egin zuen.

Gipuzkoarrak Deportivo Terrasa hartu zuten etxean, eta 1-1ekoarekin konformatu behar izan zuten. Donostiarrek lan ona egin zuten, baina gero hori markagailuan ez zen nabaritu.

Jolasetak, aldiz, oso zaila izango du maila nagusian jarraitzea, azkenengo postuan baitira. 7-1 galdu zuten Club de Camporen zelaian. Emaitzak gertatu zen guztia agerian uzten du.