Dulantziko EAE-ANVk mozioa aurkeztu du gaurko osoko bilkurarako, jaietan udaletxean bandera espainola jar ez dadin, «herritar gehienentzat inposizioaren esa- nahia baino ez baitu». Talde abertzaleak «azken urteetako jai giroa aldrebestu duen» auzia gainditu nahi du, eta honakoa eskatu: «Dulantziko herritar gehienen nahiari errespetua; alegia, udaletxeko balkoian ikurrina, gure nortasuna eta kulturaren sinbolo dena, baka- rrik egotea».

Udalbatza berriak aurrekoaren jarrera aldatuko duela espero du EAE-ANVk: «Ezingo genuke ulertu mozioa ez onartzea, berriz ere gure herriaren gehiengoaren borondatea ukatzea izango bailitzateke. Iruzurra izango litzateke». Gainera, dulantziarrei dei egin die balkoi eta leihoetan ikurrinak jar ditzaten.