Ostegun honetan Gudari Eguna izango da eta hori kontuan harturik joan den larunbatean omenaldia egin zieten «lehengo eta oraingo gudariei» Zaldibian, eta bereziki, Hodei Galarraga zaldibiarra izan zuten gogoan. Izan ere, bost urte bete ziren irailaren 23an Egoitz Gurrutxaga eta Hodei Galarraga gazteak garraiatzen ari ziren kotxean zeramaten bonbak eztanda egin eta Bilboko Basurto auzoan hil zirenetik.