Hurrengo asteetan Arabako, Bizkaiko, Gipuzkoako eta Nafarroako udaletan zergen eta tasen inguruan eztabaidatuko dute, eta EAE-ANVk bere proposamena aurkeztu zuen atzo Donostian.

Alderdi ekintzailearen iritziz, prezioen igoerak ez du KPIren %2,2 gainditu behar eta gutxieneko soldata jasotzera heltzen ez direnei «laguntzak» eskaini behar zaizkie.

EAE-ANVk azaldu zuenez, udalak ezin daitezke «enpresa pribatu»tzat hartu eta zorrak izateko gaitasuna izan behar du-te «gutxien dutenei laguntzeko».

Horiek hala, alderdi horren «filosofia» errenta banaketa hobea egitea dela gaineratu zuen: «Gehien daukatenek gehiago ordain dezaten eta gutxien daukatenek laguntzak jaso ditzaten udalen partetik».