Portugaleteko Elai-Alai taldeak Nazioarteko Folklore Jaialdiaren 34. edizioa ospatuko du aurten Irlandatik, Beninetik, Komi Errepublikatik, Turkiatik, Boliviatik, Mexikotik eta Eslovakiatik etorriko diren taldeekin. Jaialdia uztailaren 20an hasiko da eta zenbait aldaketa izango ditu aurtengo edizioan. Batetik, emanaldien kokapena aldatu dute, polikiroldegitik kalera aterako baitira ikuskizunak, Roke Deuna plazara hain zuzen ere. Bestetik, emanaldien formatua ere aldatu dute eta, ondorioz, aurten gauero bi talderen emanaldia egongo da.