CLERMONT 32

BIARRITZ 6

Bitik bi. Azken bi norgehiagokak galdu ditu Biarritzek, biak etxetik kanpo. Galtzea gauza bat da, baina okerrena emandako itxura izan zen, zuri-gorriek partida eskasa egin baitzuten.

Biarriztarrek Liga hasiera ona egin zuten, eta zaleak nahikoa itxaropentsu zeuden, iazkoa ez zela errepikatuko pentsatzen baitute, baina taldeak azken bi jardunaldiak nola jokatu dituen ikusita bestelakorik pentsa daiteke.

Emaitzak dena erakusten du. Clermontek askoz hobeto jokatu zuen. Erraz aritu ziren, eta lau entsegu eginda puntu gehigarria ere lortu zuten. Biarritzek oso gutxi erakutsi zuen atzokoan.