Aurtengo Maskarada Barkoxeko Etxahun elkarteko kideek antolatu dute, eta bereziki bertako dantzariek, tartean Aitzindariak dantza elkargoko kideak. Zuberoaz gaindiko ibilaldia Barkoxen hasiko dute igande honetan, urtarrilaren 11n, eta apirilaren 12an bukatuko da. Goizeko 9.00etan hasiko dira Barrikadak, Keresturen jokia, Aitzindari beltzen dantza. Arratsaldeko 15.30ean, berriz, emanaldi nagusia izango da. Datozen asteetan, Eskiula, Ezpeize, Urdiñarbe, Atharratze, Muskildi, Altzürükü, Ligi, Maule, Larraine eta Idauzetik pasako dira.