![](http://www.gara.net/naiz/naiz.gif)
Adegiren «eraso bortitza» onartuko ez dutela berretsi dute ELA eta LABek
Gipuzkoako 58.000 metalurgialari ingururen eskubideak suntsitzea ez dutela onartuko adierazi zuten atzo ELAko eta LABeko ehunka delegatuk Donostian egindako manifestazioan. Adegik metaleko hitzarmeneko 23 artikulu suntsitzeko duen asmoa «astakeria» dela esan zuten eta negoziazio mahaian duen jarrera aldatzeko exijitu zioten. Horretarako, metal sektorea grebara deitu dute ELAk eta LABek datorren maiatzaren 28rako eta ekainaren 4, 10 eta 11rako.