Albaola Itsas Kultur Erakundeak Euskal Herriko itsas aldizkaria sortu du sarean, «Itsasotik begira» izeneko bloga. Horrekin batera Albaola.com ataria ere jarri du abian. Euskal Herriko itsas kulturaren normalizazioan eta jendarteratzean arraunkada bat gehiago. Blogak Euskal Herriko zein mundu zabaleko itsasoko berriak jasoko ditu, eta, horrez gain, erreportajeak, kronikak, elkarrizketak, literatur gomendioak eta abar argitaratuko ditu, aldiro-aldiro bere edukiak berrituz.