Amerikatik egindako bira arrakastatsuaren ondoren, Bilboko Arriaga antzokira helduko da bihar «The Aluminium Show» ikuskizuna, mugimendua, dantza, musika, ikus-efektuak eta batez ere umorea uztartzen dituen lana. Bilboko antzokian abenduaren 23ra arte egongo da ikusgai. Ikuskizun honetan, dantzari eta antzezleek aluminio koloreko elementu industrialak hezurmamitzen dituzte, eta horretarako, lantegi industrialetatik berreskuratutako gaiak erabili dituzte, horiekin dekoratua eraikiz eta jantziak josiz.