Udako Euskal Unibertsitateak udazkeneko eskaintza aurkeztu zuen atzo. Hain zuzen, urria eta abendua bitartean hamahiru ikastaro eskainiko ditu Eibarren eta Iruñean. Eibarko ikastetxe nagusian, hamar ikastaro, hiru atal nagusitan banatuta: informatika eta teknologia berriak, giza eta gizarte-gaiak, eta osasun zientziak. Iruñean, Nafarroako Unibertsitate Publikoko eskaintzaren barnean, hiru ikastaro antolatu dituzte: Argazkigintza, Euskal Mitologia eta Emozioen kultura.