Judith Jauregi (1985) euskal piano jotzailerik entzutetsu eta preziatuenetakoa bihurtu da azken urteotan. Kritikak bere gaztetasuna, freskotasuna, naturaltasuna, dotorezia eta komunikatzeko ahalmen handia nabarmentzen ditu batik bat. Oraingo honetan, disko berri batekin datorkigu: «Para Alicia, inspiración española» (Granados, Falla eta Albenizen lanak). Kontzertua 20.00etan hasiko da. Sarrerak 15, 20 eta 25 eurotan daude.