Iñaki Egañaren atxiloketa salatu dute
DONOSTIA
Euskal Editoreen Elkarteak Iñaki Egañaren atxiloketa salatu zuen atzo adierazpen baten bidez. Editoreen Elkarteko juntakidea da donostiar idazlea, eta seme-alabekin batera, lehenik atxilotu eta ondoren Estatu Batuetatik kanporatu dute.
Batetik, editoreen, eta oro har, ideien eta historiaren munduan lan egiten dutenen askatasuna aldarrikatu dute Euskal Editoreen Elkarteko arduradunek. Bestetik, Estatuko agintariei eskatu diete askatasun hori bermatzeko, barruko eta kanpoko esparruetan. Baita «lankide eta editorearen izen onaren eta ibilbide profesional zintzoaren errespetua» eskatu ere.
Mario Salegiren artxiboak begiratu eta seme-alabekin New Yorken egun batzuk pasatzeko asmotan joan zen Iñaki Egaña joan den igandean, baina ez zioten herrialde hartan sartzeko baimenik eman. Salegiri buruzko hainbat galdera egin zioten JFK aireportuan atxilotua egon zen 24 orduetan.
|
