Eleaniztasuna bere egiteko eskaera egin diote Gobernu espainolari
GASTEIZ
Lakuako Gobernua osatzen duten hiru alderdiek ekimena aurkeztu dute Gasteizko Legebiltzarrean, hark Gobernu espainolari eska diezaion «Estatuaren izaerak eleaniztuna bere egin dezan». Ildo horretan, EAJk, EAk eta EBk eskatzen dute eleaniztasuna kontuan har dadila «Estatua eta erakunde komunak izendatzean, zigiluetan, argitalpen garrantzitsuenetan, web orrietan eta nortasun agirietan». Hirukoaren idatzia Aralarren legez besteko proposamenari aurkeztutako zuzenketa da, eta bertan azaltzen da, Europa Press agentziak atzo jakinarazi zuenez, «gaztelaniaz aparte beste hizkuntza ofizial bat duten autonomia erkidegoetan herritarren hizkuntz eskubideak errespeta» daitezela. «Horretarako, erkidego horietako berezko hizkuntzen gaineko normalizaziorako lege- ak bete behar» direla uste dute hiru alderdi horiek. Hizkuntza gutxituetako toponimoak ere erabil eta errespeta daitezela exijitzen dute EAJk, EAk eta EBk, eta komunikabide publikoetan presentzia izan dezatela.
|
