UEUk abian du «unibertsitatea.net» webgunea
·Zerbitzu anitz eskaintzea eta elkarlan eta trukerako erreferentziagune izatea ditu xede
DONOSTIA
Udako Euskal Unibertsitateak (UEU) unibertsitatea.net ataria aurkeztu du. Proiektuaren helburua unibertsitate komunitate euskaldunarentzat erreferentzia den gunea sortzea da. Bertan, irakasleek, ikasleek, ikertzaileek eta gurasoek hainbat zerbitzu topatuko dituzte: ikasketei buruzko orientazioa, ikerketarako tresnak, apunte eta materialen txokoa, albisteak, eztabaidak, blogak...
Udako Euskal Unibertsitateko arduradunek aditzera eman dutenez, egitasmoak helburu du unibertsitateko ikasle euskaldunen bilgune eta erreferentzia puntua bihurtzea. Maila berean jotzen du oinarrizko unibertsitateko ezagutzaz interesatuta dagoen edozeini behar duen informazio eguneratua eskaintzea. Horrezaz gainera, unibertsitatea.net atariak Euskal Herriko unibertsitateen eta unibertsitate eremuko erakundeen arteko elkarlana eta trukea bultzatu nahi ditu.
UEUko zuzendari Lore Erriondok webgunea UEUren hiru hamarkadetako lanaren fruitu dela nabarmendu du. Era berean, proiektu honetan dagoeneko Euskal Herriko Unibertsitatea, Mondragon Unibertsitatea, Nafarroako Unibertsitatea, Nafarroako Unibertsitate Publikoa eta Paueko Unibertsitatea bidelagun dituztela nabarmendu zuen.
|
