BIARRITZ

Bosgarren multzoan, Nafarroa bikain ibili zen, eta bazirudien jaitsierako postuetatik ihes egin, eta zerbait gehiago egin zezakeela, baina joan den igandean ezustean azkeneko sailkatuaren aurka etxean galdu ostean, argi gorriak piztu ziren, lo geratzeko garai txarra baita hau.

Hori-gorriek joan den astekoa istripu bat besterik ez zela izan erakutsi nahi dute, eta horretarako Nafarroa Beherekoak garaipena lortzera joango dira Fleurantineren zelaira.

Maule, berriz, gaizki dabil, eta hortik irteteko garaipenak pilatzen hastea bezalakorik ez dago, eta lehen aukera gaur bertan izango du, Perigourdin taldea hartuko baitu. Mailari eusteko ametsetan jarraitu ahal izateko, ezinbestekoa du garaipena.

Seigarren multzoan, berriz, Donibane Lohizune igoera fasea jokatzeko txartela eskuratu nahian dabil, eta horretarako ere ezinbestekoa da irabaztea. Lapurtarrek Lurdaren aurka jokatuko dute etxean. Aipaturiko hiru norgehiagoka horiek bihar arratsaldean jokatuko dituzte 15.00etatik aitzinera.