BIARRITZ

Izan ere, sailkatzen diren zortzien artean, sailkapen bat egiten da, eta lehenengo lauretan egonez gero, final-laurdenetako partida etxean izango lukete, ez baita ahaztu behar final-laurdenetatik aurrera dena partida bakar batera jokatzen dela, eta zuri-gorriek aurten ere Anoetan jokatu nahiko dute.

Border Reiversek ere baditu, ordea, sailkatzeko aukerak, eta horiekin aurrera egin ahal izateko, lehenengo Biarritzen irabazten hasi beharra dauka. Joan den larunbatean jokatutako partidan, ordea, garbi geratu zen Biarritz eskoziarrak baino gehiago dela. Gainera, lapurtarrek bost puntuak batu zituzten azkeneko jardunaldian Border Reiversen zelaian.

Olympique sailkapeneko lehen postuan dago, jokatu dituen hiru partidak irabazita. 97 puntu egin eta 17 bakarrik jaso ditu. Egia esan, agerian uzten du horrek erasoan eta atzean duten taldea. Guztira, 3 puntu gehigarri lortu ditu, bat partida bakoitzeko. Eskoziarrak, berriz, hirugarren daude, jokatutako hiru partidetatik bat irabazi eta bi galduta. Guztira 48 puntu egin dituzte eta 65 jaso. Puntu gehigarri bakarra egin dute.

Baliteke Biarritzen hamabostekoa hau izatea: Lealamanua, Noirot, Avril, Dellaape, Couzinet, Betsen, Drid, Lievremont, Dupuy, Traille, Bobo, Masi, Bosch, Gobelet, Dambielle. Balan, Lecouls, Malonga, Harinordoki, Yachvili, Peyrelongue eta Bidabe aulkian geratuko dira.

Eskoziarren hamabostekoa, berriz, honako hau izango da: Kerr, Scott, Kalman, Grimes, Pepelpoi, Gray, Miller, Brown, Chustil, Townsand, Daniel, Rennie, De Luca, Lau, MacRae. Ford, Douglas, Newlands, Dalzid, McKarchan, Jones eta Flockhat. Epailea, berriz, Courtney ingelesa izango da. Norgehiagoka zelaira bertara joanda ikusi ezin duenak, France 2 telebista katetik ikusi ahal izango du, gaurko Agilerako norgehiagoka zuzenean emango baitu.