VILLABONA. ­ Villabonako eragile sozial, politiko eta sindikalek, zein hainbat norbanakok, Ibaetako Manifestuarekin bat egin dute eta aurrerantzean preso diren herritarren eskubideak defendatzeko konpromisoa agertu dute. Besteak beste, tratu duin eta begirunezkoa jasotzeko eskubidea, osasun eskubidea, hizkuntza eskubidea, askatasun eskubidea eta Euskal Preso Politikoen Kolektibo gisa, Euskal Herrian eta elkarrekin bizitzeko eskubidea dira Topagunean aintzat hartuko direnak. Lehenengo bilera urtarrilaren 18an, iluntzeko 19.00etan, egingo du taldeak Villabonako kultur-etxean, eta bertan, 2007an gara daitezkeen ekimenak hausnartu eta prestatzen hasiko dira.

Zaldibiarrek elkartasuna adierazi diote Oskarbi Jauregiri Castellon

ZALDIBIA. ­ Ttirriki Ttarraka euskal presoak Euskal Herriratu taldeak antolatuta, 40 bat zaldibiar Castelloko espetxera joan ziren joan den abaneudaren 30ean bertan preso diren euskal herritarrei eta, batez ere, Oskarbi Jauregi zalbibiarrari elkar- tasuna adierazteko. Era berean, zaldibiar talde horrek espetxeko zuzendariari, bertan preso dauden gizon eta emakumeek bisean biseko familiar eta intimoak asteburuetan izatea eta hileroko ziega aldaketak amaitzea eskatuz, gutun bat helarazi nahi izan zioten, baina baimena eskatzea premiazkoa dela esan eta ez zieten horretarako aukerarik eman.