Garate gaineko lur-jauziak argitzeko eskatu du Aralarrek
DONOSTIA
Aralarrek Bide Azpiegituretarako eta Landa Garapenerako Gipuzkoako foru diputatuak agertzeko eskatu du Garate gainera doan GI-3391 Getariako errepidean gertatu diren lur-jauzien inguruan azalpenak emateko eta sortutako kalteak nork ordaindu behar dituen argitzeko. Aralarren esanetan, luiziak Aldundiaren baimenarekin lur-jauziak egiten diharduen txakolin ekoizle batek eragindakoak dira eta, beraz, kalteak sortu dituenak ordain ditzala eskatu du.
Talde horren bozeramaile Rebeka Uberak honakoa adierazi du: «Ez dugu ulertzen inguru hori geologikoki egonkorra ez izanik, nola baimendu den lur-jauzi horiek egitea. Guk, behintzat, kalte horiek eragin dituztenek ordain ditzaten exijituko dugu. Ez dugu inolaz ere onartuko diru publikoa erabiltzea entitate pribatu batek sortutako kalteak ordaintzeko».
|
