- Sokatira
Abadiñorentzat izan da azkeneko txapela
DONOSTIA
Abadiñok ez du barkatu, eta beretzat izan dira Euskal Herriko aurtengo txapel guztiak. Atzo 560 kilokoa irabazi zuen, eta aurretik 600, 640 eta 680koak ere lortuta zituen. Garbi utzi du goma gainean Euskal Herriko onena dela.560ko azkeneko jardunaldian ez zen inongo ezusterik izan, eta azkeneko jardunaldia ere irabazi zuen. Gatika ahalegindu zen, baina azkeneko jardunaldian ere bigarren postuan amaitu zuen, eta lehiaketaren amaieran horixe izan zen bere lekua. Hirugarren Altamirak amaitu zuen, eta horixe izan zen amaieran ere egokitu zitzaion postua.
560ko sailkapen nagusia
Gaztedik, ezustea
Gaztedik ezuste handia eman zuen 480 kiloko Euskal Herriko txapela irabazita; izan ere, faboritoa Badaiotz zen, eta hura mendean hartu zuen. Arabarrak izan dira azken urte hauetan Euskal Herriko onenak, baina aurten txapel batek ihes egin die.Ligaxka moduan jokatu dute pisu hori, eta azkeneko jardunaldira Gaztedi puntu bateko aldearekin iritsi zen. Horri eusteko gai izan zen, azkeneko saioa ere irabazi baitzuen. Gaztediren eta Badaiotzen arteko dema horretan bizkaitarrak hobeak izan ziren.
|
