Jean Lassalle diputatuak gose greban segitzen du Parisen
BAIONA
Aspe haraneko Accous herrian dagoen Toyal enpresa «ezkutuan lekuz aldatzera» doala konbentzituta, Jean Lassalle diputatuak 23 egun daramatza gose greban Parisko Asanblea Nazionalean, eta ez du ekimena bertan behera uzteko asmorik.
Toyaleko zuzendaritzak bertan 25 milioi euro inbertituko dituela agindu arren, Lassallek proiektua eta egitasmoa ez direla aski zehatzak uste du, eta, denborarekin, jarduera guztia Lacqera eramango duten beldur da.
Diputatu biarnesa elkartasun adierazpen ugari jasotzen ari da. Joan den astelehenean 12 hautetsi eta 10 kontseilari nagusi joan ziren Parisera hura sostengatzera, eta Dominique de Villepinen kontseilari batek hartu zituen gai horretaz mintzatzeko. Larunbatean, berriz, 300 bat manifestari elkartu ziren Accouseko lantegiaren aitzinean.
|
