- Liga Federala
Donibane Lohizunek erronka handia du
DONOSTIA
Donibane Lohizunek erronka handia du Lehen Mailako bigarren fase honetan; izan ere, bihar 15.00etan Massy taldea hartuko baitu. Bigarren fase honetan, orain arte bi partida jokatu ditu, eta gorri-berdeek bat irabazi eta bestea galdu dute. Frantziarrek, aldiz, bi neurketak irabazi dituzte, eta badirudi bi talde horiek izan daitezkeela multzoko indartsuenak. Bihar irabazteak indar handia emango die jokalari lapurtarrei.Bigarren Mailan, eta seigarren multzoan, euskal derbia izango da bihar Nafarroaren eta Angeluren artean. Batzuk lehen postura hurbildu nahian, eta besteak mailari eutsi nahian. Bokalek, berriz, lehendabiziko postuari eutsi nahian, Ortese hartuko du. Zazpigarren multzoan, Maulek ere lehenengo postuan jarraitu nahi du Miranden irabazita. Partida guztiak bihar 15.00etan izango dira.
|
