AULESTI. ­ Orain gutxi bermepean aske geratutako hiru preso politikori ongietorri ekitaldia egin zieten atzo eguerdian Aulestin:Mitxel Zenarruzabeitia, Mikeldi Zenitagonaindia eta Iker Legarrari, hain justu. Ekitaldi horretan mila lagun inguruk hartu zuten parte, bizilagunek GARAri jakinarazi ziotenez. Herriko hainbat taldek opariak egin zizkieten hirurei, baita Udalak berak ere. Horrez gainera, Zenarruzabeitiak, Zenitagonaindiak eta Legarrak hainbat preso ohiren babesa ere jaso zuten. Ongietorria amaitzean, herriko pilotalekuan bazkaria egin zuten, eta 300dik gora lagun egon ziren. Bazkalostea bertsoz ­Xabier Amurizaren eskutik­ eta musikaz lagunduta egin zuten.