Erraustearen aurka batzera deitu dute Segik eta Batasunak
BILBO
Batasunak eta Segik bat egin dute erraustearen aurka bihar Donostian egingo den manifestazioarekin. Prentsa adierazpen banaren bidez azpiegitura herritarren iritzia aintzat hartu gabe eta «inposizioaren bidea erabiliz» aurrera eraman dutela salatu zuten. Batasunaren iritziz, «EAJk herritarren iritzia alboratu» eta «negozio ezkutuak herritarren interesen gainetik» jartzen ditu. Segik ere Lakuak «gezurrez eta egi erdiekin herritarrak engainatu» egiten dituela gaitzetsi zuen.Manifestazioa bihar arratsaldeko 18.00etan abiatuko da Donostiako Bulebarretik eta hainbat eragileren babesa jaso du.
|
