U.A.

DONOSTIA

Kantaurikoko Arraun Elkarteak uztailean hasiko den denboraldirako egutegia zehaztu du. Lehiaketa uztailaren 9an hasiko dute lehen eta bigarren multzoko taldeek, eta amaiera abuztuaren 27an izatekoa da. Traineruen Kluben Elkarteko (TKE) Ligara igotzeko estropadak irailaren 2an ­Lekeition­ eta 9an ­Sestaon­ jokatuko lirateke, baina data horiek zehazteke daude.

Beste zenbait puntu ere aztertu zituzten Zierbenako batzarrean.Diziplina eta dopinaren arautegiak eta estropadak antolatzeko araudia onartu zituzten, baita Lehiaketa eta Dopaje Batzordea, dopinaz arduratuko den pertsona, Diziplina epailea eta arbitroa.

Gainera, baimena eman zitzaion Pedro Andueza presidenteari babesle bat har dezan ­negoziazioak nahiko aurreratuta omen daude­, eta Maialen Lizunbia gerentzia lanak egiteko izendatu zuten. Horrez gain, kirol asegurua zehaztu zuten, eta Euskadiko Arraun Federazioarekin epaileak lagatzeko hitzarmena itxi zuten. Bestalde, aurrekontua 80.000 eurokoa izatea zehaztu zen.

Lehen Multzoko egutegia

1. San Pedro uztailak 9

2. Santurtzi uztailak 15

3. Trintxerpe uztailak 22

4. Camargo uztailak 23

5. Santander uztailak 29

6. Lekeitio uztailak 30

7. Ondarroa abuztuak 5

8. Donostia abuztuak 6

9. Hondarribia abuztuak 12

10. Getaria abuztuak 15

11. Zierbena abuztuak 26

12. Laredo abuztuak 27

Bigarren Multzoko egutegia

1. Donibane Lohizune uztailak 9

2. Donostia (Urki) uztailak 16

3. Sestao (Kaiku) uztailak 22 edo 23

4. Pontejos uztailak 29

5. Getxo (Algorta) abuztuak 5

6. Zumaia (Urola Kosta) abuztuak 6

7. Portugalete abuztuak 15

8. Deustu abuztuak 20

9. Colindres abuztuak 26

10. Lutxana abuztuak 27

Gaur, bi estropada