PATXI RUIZ 20

BENGOETXEA VI 22

DONOSTIA

Asegarcek eta Aspek antolatutako Nafarroako Lau eta Erdikoko aurreneko finalerdia zehaztuta dago. Izan ere, Oinatz Bengoetxeak 22-20 hartu zuen mendean Patxi Ruiz, eta hurrengo larunbatean Aimar Olaizolaren aurka neurtu beharko ditu indarrak finalerako txartela eskuratzeko.

Partida luzea eta gogorra izan zen. Denboraldiko une honetan pilotariak ez daude ohituta Lau eta Erdikoan aritzera, udako binakako torneoetan baitute burua, baina, hala eta guztiz ere, biak nahiko ondo moldatu ziren. Huts dezente egin zituzten, baina tanto ikusgarriak ikusteko parada ere izan zuten Aritzbataldera joandako pilotazaleek.

Bi eta batekoan izan ezik, Leitzako aurrelaria aurretik izan zen, baina tarte handiegirik zabaldu gabe. 20-17koarekin bazirudien Bengoetxea VI.ari garaipenak ez ziola ihes egingo, baina sufritzea egokitu zitzaion, nahiz eta azkenean hogeita bira iristeko gai izan zen.

Bestalde,Javi Oteizak eta Jokin Argotek debuta egin zuten profesionaletan. Lehenengoak galdu egin zuen (22-11). Bigarrenak, aldiz, irabazi (22-18).

Aspeko atarikoa, gaur