Sozietateen gaineko zergaren aurka egitea kritikatu dute
·Confebaskek «zinikotzat» jo du baxuagoak diren beste tasa batzuk zalantzan ez jartzea
Confebaskek «zinikotzat» jo zuen sozietateen gaineko zergaren aurka helegiteak aurkeztu izana. Europar Batasunean baxuagoak diren interes tasak daudela eta ez direla zalantzan jartzen esan ondoren, Araban, Bizkaian eta Gipuzkoan zergak epaitegietan bukatzen duela salatu zuen.
BILBO
Arabako, Bizkaiko eta Gipuzkoako enpresaburuen Confebask elkarteko idazkari nagusi Jose Guillermo Zubiak «zinikotzat» jo zuen hiru herrialdeetako sozietateen gaineko zergaren aurkako helegitea aurkeztu izana. Hain zuzen ere, Arabako, Bizkaiko eta Gipuzkoako zerga epaitegietara eraman den bitartean, EuroparBatasunean (EB) baxuago diren interes tasak daudela eta horiek ez direla zalantzan jartzen salatu zuen.Jarrera hori «erabat zinikoa» dela nabarmendu zuen, bere ustez, Estatu espainoleko lurraldeekin dagoen 2,5 puntuko aldeak ezin baitio «lehiakortasunari» eragin. «Europan, berriz, 25 puntuko diferentziak ere badaude eta inork ez du zalantzan jartzen horrek lehiakortasunari eragiten dion ala ez», adierazi zuen Confebaskeko idazkari nagusiak. Horrelako gauzak gehiago gerta ez daitezen eta sozietateen gaineko zergaren aurkako helegiteak ekiditeko, Zubiak erreforma «sakon» bat aldarrikatu zuen. Helegiteak, bere ustez, Kontzertu ekonomikoa behar bezala «babestu» ez zelako etorri dira.
|