ZIBURU
Ziburutik abiatu eta Oiartzunen amaituko den martxa baten bidez Comete Sarearen lana omenduko dute datorren asteburuan.
Comete Sarea 1941. urtean sortu zuten Belgikan, Bigarren Mundu Gerran aliatutakoen hegazkilariak laguntzearren. Cometek hegazkilari horiek Bruselatik Parisera gidatzen zituen, bertan elkartu eta ondoren Ziburu edota Donibane Lohitzunerantz ekartzen zituen.
Zazpigarren edizioa duen martxa horretan antzinako hegazkilarien ordezkariak eta Comete Sareko kideak izango dira. Igandean, II. Mundu Gerran eroritakoak omenduz eta herri-bazkari bat eginez amaiera emango diote ekitaldiari.
Bestetik, hernaniarrak II. Mundu Gerran nazien aurka nola borrokatu ziren ezagutaraziko duen liburua aurkeztuko dute datorren ostegunean, udaletxean.
