- Munduko Triatloi Txapelketa
Ainhoa Murua dominarako faboritoen artean dago
·Muruak eta Zuriñe Rodriguezek osatuko dute euskal ordezkaritza
LAUSANA Bihar izango da Lausanan Suitza Emakumeen Munduko Triatloi Txapelketa. Bertan, euskal ordezkaritzarik izango da Ainhoa Murua eta Zuriñe Rodriguez gipuzkoarrek parte hartuko baitute. Euskaldunen artean, domina bat eskuratzeko aukerak Murua triatleta zarauztarrak dauzka. Podiumean sartzea lortuko balu Muruak, iaz Laysanan bertan Europako Txapelketan erdietsitako laugarren postua hobetuko luke. Zuriñe Rodriguezek lan egin beharko du bai Muruarentzat, baita Ana Burgos espainiarrarentzat ere.
Faborito nagusiak
Bestalde, bi dira urrezko domina irabazteko faborito nagusiak: Emma Snowsill 25 urteko australiarra batetik, 2003an eta 2005ean munduko txapeldun izandakoa, eta Vanessa Fernandes 20 urteko portugaldarra bestetik, azkeneko hiru urteetan Europako triatleta onena izan dena.Igandeko proban egin beharreko bidea 1,5 kilometro Leman aintziran igerian, 40 kilometro bizikletan eta 10 kilometro korrika izango da.
|
