- Aizkora
Peñagarikano, motibazio gabe, finaletik at
·Nazabalek Larretxeari 52 segundo atera dizkio eta Txapartegik sailkatzea lortu du
DONOSTIA
Floren Nazabal, denbora onena markatuta, DonatoLarretxea, Joxe Mari Olasagasti, Iñaki Azurmendi, Luis Mari Txapartegi estreinakoz eta Joxe Juan Barberena izango dira datorren urriaren 22an jokatuko den Euskal Herriko Txapelketako finalean. Aldiz, Joxe Miel Peñagarikanok parte hartzeko asmorik gabe, federaziokoek eskatuta aritu zen ez zuen bertan izateko txartelik lortu, ez eta Fausto Mugertzak ere.Bi txandatan banatuta aritu ziren eta aurrenekoan Larretxea, Txapartegi, Barberena, Mugertza, Vicente eta Erdozia aritu ziren, eta ordena horretan amaitu. Etxarriarrak Maila Nagusian jarraitzeko parada galdu du, aldiz Vicentek eutsi egin dio. Bigarrenean, Nazabalek hartu zuen aurrea, eta lan
erdietan, etxarriarraren atzetik, Azurmendi, segundo bakarragatik Olasagastiren
aurretik bazen ere, Igeldokoak aurrea hartu zion. Ondoren, minutu bat geroago
amaitu zuen Peñagarikanok eta bosgarren Senosiain gelditu zen. Euskaldunak nagusi Ordizian austriarrekin segan
lehian
Sega erakustaldi bikaina eskaini zuten atzo Ordizian, bai euskaldunek, bai austriarrek. Maria Luisa Gabirondo izan zen azkarrena, eta Maria Sams eta Margit Habtswalmer sailkatu ziren ondoren. Gizonezkoetan, Urki Ormaetxea izan zen aurrena, Arkaitz Arteaga eta Juan Mari Agirrezabalaren aurretik; Christian Rapperstorfer 10. sailkatu zen. -
|
