M.A.

BILBO

Oraindik ofiziala ez den arren, ziur asko Euskal Selekzioak Kataluniaren aurka jokatuko du urriaren 8an Bartzelonan. Irrati publiko bati egindako adierazpenetan, Euskadiko Futbol Federazioko lehendakari Iñaki Dobaranek Kataluniako Futbol Federazioarekin harremanetan jarri direla eta partida egun horretan jokatzeko asmoa dutela onartu zuen.

«Oraindik ezin dut ezer baieztatu, ez baitago ezer sinaturik. Ideia bat da, baina asteburu honetan baieztatu beharko dugu bi federazioek izango dugun elkarrizketa batean. Hurrengo asterako jakingo dugu data horretan jokatu den Nou Campen eta dena delakoa. Hala ere, bi federaziook gogoa dugu egun horretan jokatzeko», azaldu zuen Dobaranek.

Urriaren 8a data aproposa izango litzateke, asteburu horretan ez baita Liga jardunaldirik izango Eurokopako sailkatze fasea dela-eta. Euskadiko Futbol Federazioa aspaldidanik zebilen Kataluniaren kontra jokatzeko asmoarekin. Iazko abenduan egunkari honetan argitaratutako elkarrizketa batean asmo horren berri eman zuen Dobaranek. Azkenean, badirudi ideia bat baino ez zena benetako forma hartzen ari dela eta egi bihurtuko dela. Gainera, nabarmendu beharra dago urtebete baino gutxiagoan futbol selekzioak jokatuko lukeen hirugarren partida izango litzatekeela.

Irlandaren aurka Eibarren