Federazioen haserrea ulergarria da. Lakuako arduradunek aurpegia eman eta Astilleroren partaidetza zuzenean debekatu beharrean ­horretarako arrazoiak bazeudela uste baldin bazuten­, idatzi bat bidaltzera mugatu ziren, azken unean eta, dirudienez, nahiko zalantzagarria. Astilleroko abokatuak dioenez, arraunlariek ez dute oraindik ordaindu beharreko diru-zigorraren jakinarazpen ofizialik jaso eta hortxe egon liteke gakoa. Edozein modutan, argitu beharreko puntu asko gelditzen dira gertatutakoa erabat azaltzeko. Hondarribiko galdeketaren gorabeherak ez dira guztiz argitu eta epaile batek Udala inor gonbidatzera behartu dezakeen ere ikuskizun dago oraindik. Baina, zoritxarrez, kaltea egina dago jadanik. -