- Errugbia
Bera Berak oraindik asko hobetu beharra dauka
·Madrid Noroeste gipuzkoarrak baino hobea izan zen
SPYRO BERA BERA 14
MADRID
NOROESTE 23
DONOSTIA
Spyro Bera Berak ezin izan zuen Madrid Noroeste mendean hartu. Gipuzkoarrek ez zuten partida ona egin, eta madrildarrek ere aparteko ezer erakutsi ez bazuten ere, euskaldunak baino hobeak izan ziren, eta merezimendu osoz eraman zuten garaipena.Ordu laurdenerako aurretik ziren donostiarrak, bat gehiagorekin ari zirela aprobetxatuta. Entsegua egin zuen Lekarozek eta aurretik jarri ziren. Kanpotarrek, ordea, berehala irauli zuten markagailua, transformatutako entsegu bati esker. Bera Berak lehen zatiko azkeneko minutuetan bakarrik menderatu zuen Madrilgo taldea, eta Buenok lortutako hiru zigor-kolpeei esker, 14-7 joan ziren atseden hartzera. Bigarren zatian, ordea, Madrid hobea izan zen. Hamar minutuan 14-17 aurretik jarri zen, eta Bera Bera ahalegindu baldin bazen ere, ia ez zuen izan entsegu bat bera egiteko aukerarik ere, eta ostikoekin ere ez ziren fin ibili jokalariak, bigarren zatian izandako aukera guztiak huts egin baitzituen Gorka Buenok. Madrid Noroestek, berriz, aukerak aprobetxatu zituen, eta merezi izandako garaipena eraman zuen. Talde igo berria izan arren, ongi indartu da, eta denboraldi amaieran aurrean ibiliko da.
|
