Abian da Nafarroako Euskal Kantu Txapelketa
·Finala azaroaren 18an izango da Lekunberriko 31 izeneko aretoan, 18.00etan
IRUÑEA
Nafarroako KantuTxapelketa 2006 abian da dagoeneko eta lehen pausoa, izena emateko epea, irekita dagoela esan dute antolatzaileek. Era berean, finalerdietarako eta finalerako datak zehaztu dituzte.Horrela, izen-ematea urriarean 31 arte egongo da zabalik Euskal Kantuzaleen Elkarteko 948141812 telefonoan, edota Xorroxin, Esan Erran, Karrape, Aralar, Beleixe eta Euskalerria Irratia izeneko irratietan. Finalerdiak azaroaren 4an eta 11n izango dira, lehena Elizondoko Lur aretoan, 18.00etan, eta bigarrena, Tafallako Kube aretoan, ordu berean. Finala, berriz, azaroaren 18an izango da Lekunberriko 31 aretoan, hura ere 18.00etan. Aurretik inongo diskoetxerekin lanik kaleratu ez duten hamabost urtetik gorako edozein gazteri dago zuzenduta lehiaketa eta bakarka, binaka edo hiru eta hamar partaide bitarteko taldeetan har dezakete parte. Era berean, edozein musika estilo jorra daiteke, rocka edo abesbatzarako musika izan ezik. Txapelketako antolatzaileek melodia, hitzak, ahotsa eta interpretazio teknika hartuko dituzte aintzat saria emateko garaian.
|
