Estatu frantsesaren «asimilazio estrategia» salatu du Segik
·Euskal Herrian eta euskaraz ikastea ezinezkoa dela azaldu du Baionan eginiko ekintza batean
BAIONA
«Euskal Herrian aske ikasi, lan eta biziz... independentzia» lelopean, Segi gazte erakundeak Gazte Egun Nazionalera deitu du larunbat honetarako, hilak 21, Senperen. Bertan, jai-giroa eta aldarrikapena uztartuko dira, eta, hain zuzen ere, Estatu frantsesak Euskal Herriarekin eta bereziki euskal gazteria- rekin duen «jarrera inposatzailea eta zanpatzailea» salatu nahi dute. Segiko hainbat gaztek ekimena egin zuten herenegun Baionako tren geltokian, eta bertan, Ipar Euskal Herrian ikastea ezinezkoa dela salatu dute, bai eta euskaraz ikastea «ukatzen» dietela ere.Gazte erakundearen esanetan,Estatu frantsesak «ongi diseinaturiko asimilazio eta desagerpen estrategia» du, eta La- purdiko, Nafarroa Behereko eta Zuberoako gazteak «atzerrira ikastera joatera behartzen» ditu, oinarrizko eskubideak zanpatuta. Horregatik, borrokatzeko eta etzi Senperera joateko deia egin du.
|
