Barakaldoko El Regato, Zientziaren Asteko saridun
·Janire Villa, Asier Esteban, Iñigo Gomez eta Alesander Garcia asmatzaileek irabazi dute ideia lehiaketa
DONOSTIA
Janire Villa, Asier Esteban, Iñigo Gomez eta Alesander Garcia ikasleen lana saritu dute Zientziaren Asteko Teknoskopioa lehiaketan. Hirugarren aldiz antolatu dute ekimen hori Elhuyar Fundazioak, Saretekek, Gasteizko Gobernuko Hezkuntza Sailak eta Zientziaren Kutxaguneak, gazteek goza dezaten eta energia arduraz kontsumitu behar dela jakin dezaten.Nahiz eta garailea Barakaldoko El Regato izan, Iruñeko Barañain eta Markinako Lea Artibai ikastetxeetako proposamenak ere jaso dituzte. «Garapena gero eta iraunkorragoa izateko zer egin dezakegun azaldu dute, ikuspuntu berri eta kosmopolita batetik, gainera», adierazi zuen Kutxaguneko zuzendari Javier Sabadellek sari banaketan. Haren ustez, XXI. mendeko herritarrek ingurunea errespetatuz nola bizi hausnartu beharra daukate, bertzela kalte eginen dietelako belaunaldi berriei.
|
