BAIONA

Sailkapeneko azkeneko bi postuetan dauden bi taldeak izango dira gaur Baionan. Avironek zaila izango du azkeneko postu hori uztea, baina hortik argia ikusteko aukera badauka. Gaur galtzen badu, atzera urrats handia emango du talde zuri-urdinak, eta mailari eustea gero eta zailagoa izango du. Irabazten badute ere ez daukate erraza mailari eustea, baina itxaropenak handiagoak izango dira.

Aviron etxean nahiko ongi dabil, eta zaleen babesarekin aukerari eutsi egin behar dio. Zuzendaritzak, gainera, lan asko egin du zaleei erraztasunak emateko, eta Jean Dauguer zelaiko harmailak gainezka izango dira.

Jokalariei dagokionean, Tewhata, Fromont eta Bernad itzuliko dira taldera, baina bajak ere izango ditu. Pez eta Nuñez Piossek beren selekzioarekin bilduta daude. Aussel, Berberian, Fraser eta Hegarti kolpatuta daude, eta horietako inor ez da izango gaur arratsaldean Jean Dauguerren.