- Areto futbola
Puntu garrantzitsua urratu du Hegoalde Tolosakoak
DONOSTIA
Emakumezkoen Ohorezko Mailan, Hegoaldek puntu garrantzitsua lortu zuen Cadizera egin zuen bisitan. 2 eta 2 amaitu zen norgehiagoka.Tolosarrak ez dabiltza batere ongi, eta etxetik at horrelako emaitza bat lortu behar zuten. Hala ere, mailari eutsi nahi baldin badiote, emaitza horrek etxean jarraipena behar du, eta horretarako, datorren astetik aurrera hasi beharra daukate irabazten, bestela, alferrikakoa da. Mutiletan, Zilarrezko Mailan, euskal derbia jokatu zuten Bilbon. GSI Bilbo eta Perfiles Sintal Lizarrako taldea neurtu ziren, eta amaieran 2-0 erakusten zuen markagailuak. Rober eta Thiago izan ziren golegileak. Emaitza horri esker, bizkaitarrek sailkapeneko bigarren postuan jarraituko dute Manacorren atzetik. Hala ere, asko sufritu zuten nafarren aurka, Perfilesek itxura ona eman baitzuen.
|
