Litekeena da petrolioa merkatzea abenduan
VIENA
Petrolioa esportatzen duten herrialdeek osatzen duten OPEP elkarteak erregai horren prezioa berriz murrizteari ateak ireki dizkio. Izan ere, OPEPek atzo argitaratutako txostenak murrizketa baten beharraz hitz egiten baitu. Kontua da Ministroen Kontseiluak txosten horren datuak kontuan hartuko dituela erabaki bat hartzeko. Beraz, Nigeriako hiriburu Abuyan datorren abenduaren 14an egingo duten bilkura baino lehen berritasunik egon ezean, litekeena da petrolio eskaintza murriztea hitzartzea hurrengo hilabetean.Murrizketa hori, gutxienez, eguneko 300.000 upelekoa izan daiteke. Kopuru hori azaroaren 1ean finkatutako eguneko 1,2 milioi upeleko eskaintzari erantsi beharko litzaioke. Txostenak nabarmentzen du eskaintzari dagokionez, 2007. urterako dauden pronostiko askotarikoek eguneko 1,1 eta 1,6 milioi upel artekoa adierazten dutela aurten eta datorren urtera begira ziurtasunik ez dagolea.
|
