Atabalak Popa Chubby-ren kontzertua antolatu du lehen urteurrenerako
BIARRITZ
Biarrizko Atabala lokalak musika garaikideko joerak Euskal Herrira ekartzen ditu, eta lehendabiziko urteurrena ospatuko du gaur Popa Chubby taldearen kontzertuarekin. Sarrera guztiak salduta daude. Musiken zentroa deitzen dute Atabala, eta urtebetean itzulia egiten ari diren musika taldeetarako nahitaezko geldiunea bilakatu da. Horretarako, bertako zuzendari Philippe Trichetek mota bereko zentroetan Parisen lan egiten dutenekin garaiko harremanak izan ditu. Baina Atabala ez da Parisen edo nazioartean egiten duten lanari bakarrik begira dagoen zentroa; izan ere, 700 tokiko gela lehen aldiz bete zuen taldea Bizkaitik zuzenean etorritako Ken Zazpi rock taldea izan baitzen.
Orduz geroztik Bertignac-ek gela betetzea lortu du, eta zentroaren lehendabiziko urteurrena ospatzeko Popa Chubby taldea etorriko da. Hirugarren aldiz beteko du aretoa.
Estilo ezberdinetako hiru taldek gela bete dute, eta denetarik proposatzen du Biarrizko zentroak, eklektizismoa bilatzen baitu zentroko zuzendari eta programatzaile Philippe Trichek.
Hurrengo urtea formaziorako, bertako musika taldeak garatzeko eta zentroak duen MAO estudioaren erabilera indartzeko baliatuko dute bereziki, jakinarazi dutenez.
|
